Our Whakapono


He Inoi mo Te Pihopa o Aotearoa

E te Atua aroha, e to matou Matua i te rangi,
he maha nga tau i tohe ai te iwi Maori mo tetahi o ratou ake kia tu hei matua, hei pihopa, hei arataki i a matou kia mau tonu ai te ha o te maoritanga i roto i a matou karakia me a matou whakahaere:
i te mea kua whiwhi matou ki ta matou i wawata ai, e inoi atu ana matou ki a koe kia tohungia,
kia manaakitia tau pononga a Paraone kua karangatia nei hei pihopa mo Aotearoa;
meinga a ia hei pononga pono, pononga tuturu kia whiwhi ai matou ki nga hua o tou Wairua Tapu;
ko Ihu Karaiti hoki to matou Ariki.
Amine.

He Inoi Manaaki

Toitu te Rangi.
Toitu te Whenua.
Toitu te aroha o te Atua.
Toitu ona manaakitanga katoa.
Mauri Ora e te Atua!
Matua, Tama, Wairua Tapu,
Amine

The sky is constant.
The earth is unchanging.
The love of God is dependable.
The gifts of God are continuous.
Hail to you, O God!
Creator, Redeemer and Giver of Life.
Amen.

Na The Venerable Dr Hone Te Kauru o Te Rangi Kaa (1941-2012)

 

© Copyright Toitu Te Pihopatanga